කලින් ලිපියෙදි කිව්ව වගේ වාහන ආදායම් බලපත්‍රය නිකුත් කරන්නෙ අවුරුද්දක කාල සීමාවකටනෙ, ඒ කාල සීමාව ඉකුත් වුනාම අළුත් කරගන්න ඕනෙ. වාහන ආදායම් බලපත්‍රය අළුත් කරනකොට ගොඩක් දෙනෙකුට වෙන දෙයක් තමයි, පරණ එකේ අන්තිම දවස වෙනකම් ඉන්නව අළුත් එක ගන්න, හැබැයි මොකක් හරි හේතුවක් නිසා අළුත් වාහන ආදායම් බලපත්‍රය නියමිත දවසට ගන්න බැරි වෙනව. ඊට පස්සෙ හදිසියකට හරි වාහනේ පාරට දාපු ගමන්ම පොලිසියෙන් අල්ලනව! මෙන්න මේක note කර ගත්තොත් එහෙම වෙන්නෙ නෑ.
වාහන ආදායම් බලපත්‍රය ගන්නෙ කොහෙන්ද?
බස්නාහිර පළාතේ ලියපදිංචි වාහන සදහා, බස්නාහිර පළාත් මෝටර් රථ ප්‍රවාහන පළාත් කොමසාරිස් කාර්යාලයෙන් හෝ පළාතේ ඕනෑම ප්‍රාදේශීය ලේකම් කාර්යාලයකින් ආදායම් බලපත්‍රය ගන්න පුලුවන්. හැබැයි කොළඹ හා තිඹිරිගස්යාය ප්‍රාදේශීය ලේකම් කාර්යාල වලින් ඇරෙන්න. අනිත් පළාත් වලදී නම්, ඒ ඒ ප්‍රදේශයේ ප්‍රාදේශීය ලේකම් කාර්යාල වලින් ගන්න පුළුවන්.
බස්නාහිර පළාත් මෝටර් රථ ප්‍රවාහන කොමසාරිස් කාර්යාලයට, සතියේ දිනවල පෙ.ව.9.00 සිට ප.ව.3.00 දක්වා පැමිණි, වාහනයේ ඉදන්ම හෝ කවුළු වලින් ආදායම් බලපත්‍රය ගන්නත් පුලුවන්.
මාලිගාවත්ත, කොළඹ 10 (හරියටම තැන ඔය map එකේ තියෙනව!)
දුරකථන අංක : 0112 436 415
ඊමේල් : motertraffic.westernprovince@gmail.com
අපිට ඕවැ යන්න වෙලාවක් නෑ, වෙන ලේසි විදිහක් නැද්ද?
ඇයි නැත්තෙ, අද කාලෙ හැම දෙයක්ම කරන්නෙ ඉතින් internet එකෙන්නෙ, අන්තර්ජාලය හරහා ආදායම් බලපත්‍රයත් ඕනම දවසක ගෙදරටම ගෙන්න ගන්න පුළුවන්.
- මුලින්ම www.gov.lk වෙත පිවිසෙන්න
- ඊලඟට භාෂාව තෝරන්න
- ‘Revenue License’ සොයන්න
- ‘වාහන අදායම් බලපත්‍ර ලබා ගැනීම/ අලුත් කිරීම‘ තෝරන්න
- Facebook හෝ Google හරහා ඔබගේ විද්යුත් ලිපිනය භාවිතයෙන් පද්ධතියට ඇතුළු වෙන්න
- ඊට පස්සේ මේ තොරතුරුත් ඇතුළත් කරන්න,
- පළාත
- වාහන අංකය
- අලුත් වාහනයක් නෙවෙයි නම් පසුගිය වසරේ වාහන බලපත්‍ර අංකය
- වාහනය අයිතිකරුගේ නම හා ලිපිනය තහවුරු කරන්න
- වායු විමෝචක සහතිකය නිකුත් කල තෝරන්න
- අන්තිමට තෝරන්න
- ආදයම් බලපත්‍රයට යන ගාස්තුව ඕනෑම බැංකුවක Visa හෝ Master කාඩ් පතකින් හෝ Mobile Cash මගින් ගෙවන්න පුලුවන්
- වලංගු බලපත්‍රය ලැබෙනකන් භාවිතා කරන්න තාවකාලික බලපත්‍රය ඔයාගෙ email එකට ලැබෙනව. ඒක print කරගන්න
- ඔබේ වලංගු බලපත්‍රය දින 14ක් ඇතුලත අධිවේගී තැපෑලෙන් ඔබට ලැබේ
තව මොනවද දැනගන්න ඕනෙ
ඔය කියපුවට අමතරව මේ කරුණු ටිකත් මතක තියා ගන්න,
විශේෂයෙන්ම මතක තියාගන්න ඕනෙ, තැ‍රැව්කරුවන්ට අහු වෙන්න එපා!
ආදයම බලපත්‍ර සම්බන්ධව මතුවන ඕනම ගැටළුවකදී මෝටර් රථ ප්‍රවාහන පළාත් කොමසාරිස් කාර්යලය අමතන්න,
කේ. ඒ. ටී. කුමාරසිංහ මහතා (සහකාර කොමසාරිස්) : 0113 056 335
ජී. ඩී. ඩී. එස්. එම්. සේනාධීර මහත්මිය (ගණකාධිකාරී) : 0113 056 334
කාර්යාලය : 0112 436 415
38 Comments